Іс-шараны MOST IT Hub бас директоры Диас Қожатаев пен Rocket Tech тең құрылтайшысы Олег Качалин ашты.
Іс-шарада Rocket Tech зерттеушісі әрі UXR Lead Виктор Купцов сөз сөйледі. Ол бұл салада 8 жылдан астам уақыт жұмыс істеп, жүзден астам жобаны жүзеге асырған. «Өнімді бизнеске қалай айналдыруға болады: зерттеулерге сүйене отырып масштабтауды іске қосу» тақырыбындағы баяндамасында Виктор қатысушыларға субъективті болжамдардан объективті деректерге көшудің стартаптар үшін неліктен маңызды екенін және зерттеулердің өсу нүктелерін табуға қалай көмектесетінін көрсетті.
Залда UX және өнімдік тәжірибелерге қызығушылық танытатын стартап иелері, зерттеушілер мен жас мамандар жиналды. Аудитория белсенді түрде сұрақтар қойды, ал соңында қатысушылар өз жобаларын келесі кезең — UX-прожаркаға шығару мүмкіндігіне ие болу үшін сауалнамалар толтырды.
Алда не күтіп тұр?
UX LAB бағдарламасы жалғасуда:
- 29 қыркүйек — UX-прожарка: Rocket Tech және Bereke Bank сарапшыларынан нақты жобаларды ашық талдау.
- 6 қазан — өнімдерді пайдаланушыларда тестілеуге дайындау бойынша воркшоп.
- 9 қазан — Алматыда UX LAB-тың ресми ашылуы.
UX LAB — бұл стартаптар мен командалар үшін өз идеяларын тексеруге, шынайы кері байланыс алуға және әдетте ірі компаниялардың «сахна сыртында» қалатын тәжірибелерімен танысуға арналған бірегей мүмкіндік.
Барлық іс-шаралар Алматыдағы MOST IT Hub-та өтеді.
Келесі кезеңдерге тіркелу бот арқылы жүргізіледі.
