Tadbirni MOST IT Hub bosh direktori (CEO) Dias Kojatayev va Rocket Tech hammuassisi Oleg Kachalin ochib berdi.
Tadbirda Rocket Tech UXR Leadʼi va tadqiqotchisi Viktor Kuptsov soʻzga chiqdi. U ushbu sohada 8 yildan ortiq tajribaga ega boʻlib, yuzdan ortiq loyihalar ustida ishlagan. Viktor "Mahsulotni qanday qilib biznesga aylantirish mumkin: tadqiqotlarga tayangan holda miqyoslashni boshlash" mavzusidagi chiqishida ishtirokchilarga nima uchun subyektiv taxminlardan obyektiv maʼlumotlarga oʻtish startaplar uchun oʻta muhimligini va tadqiqotlar oʻsish nuqtalarini topishga qanday yordam berishini koʻrsatib berdi.
Zalda startap egalari, tadqiqotchilar hamda UX va mahsulot amaliyotlariga qiziqqan yosh mutaxassislar yigʻildi. Auditoriya faol ravishda savollar berdi, yakunda esa ishtirokchilar oʻz loyihalarini keyingi bosqich — UX-tahlilga (UX-projarka) olib chiqish imkoniyatiga ega boʻlish uchun soʻrovnomalarni toʻldirdilar.
Keyingi qadamlar qanday?
UX LAB dasturi davom etmoqda:
- 29-sentabr — UX-tahlil: Rocket Tech va Bereke Bank ekspertlari tomonidan real loyihalarning xolis tahlili.
- 6-oktabr — mahsulotlarni foydalanuvchilarda sinovdan oʻtkazishga tayyorlash boʻyicha vorkshop.
- 9-oktabr — Almatida UX LABʼning rasmiy ochilishi.
UX LAB — bu startaplar va jamoalar uchun oʻz gʻoyalarini sinab koʻrish, xolis fikr-mulohazalar olish va odatda yirik kompaniyalarning "sahna ortida" qoladigan amaliyotlari bilan tanishish uchun noyob imkoniyatdir.
Barcha tadbirlar Almatidagi MOST IT Hubʼda boʻlib oʻtadi.
Keyingi bosqichlar uchun roʻyxatdan oʻtish bot orqali amalga oshiriladi.
